Kyrie, eleison.
Christe, eleison.
Kyrie, eleison.

Jesu, audi nos.
Jesu, exaudi nos.

Pater de cælis, Deus, miserere nobis.
Fili, Redemptor mundi, Deus, miserere nobis.
Spiritus Sancte, Deus, miserere nobis.
Sancta Trinitas, unus Deus, miserere nobis.

Jesu, Fili Dei vivi, miserere nobis.
Jesu, splendor Patris, miserere nobis.
Jesu, candor lucis æternæ, miserere nobis.
Jesu, rex gloriæ, miserere nobis.
Jesu, sol justitiæ, miserere nobis.
Jesu, Fili Mariæ Virginis, miserere nobis.
Jesu amabilis, miserere nobis.
Jesu admirabilis, miserere nobis.
Jesu, Deus fortis, miserere nobis.
Jesu, pater futuri sæculi, miserere nobis.
Jesu, magni consilii Angele, miserere nobis.
Jesu potentissime, miserere nobis.
Jesu patientissime, miserere nobis.
Jesu obedientissime, miserere nobis.
Jesu, mitis et humilis corde, miserere nobis.
Jesu, amator castitatis, miserere nobis.
Jesu, amator noster, miserere nobis.
Jesu, Deus pacis, miserere nobis.
Jesu, auctor vitæ, miserere nobis.
Jesu, exemplar virtutum, miserere nobis.
Jesu, zelator animarum, miserere nobis.
Jesu, Deus noster, miserere nobis.
Jesu, refugium nostrum, miserere nobis.
Jesu, pater pauperum, miserere nobis.
Jesu, thesaur(e) fidelium, miserere nobis.
Jesu, bone pastor, miserere nobis.
Jesu, lux vera, miserere nobis.
Jesu, sapientia æterna, miserere nobis.
Jesu, bonitas infinita, miserere nobis.
Jesu, via et vita nostra, miserere nobis.
Jesu, gaudium Angelorum, miserere nobis.
Jesu, rex Patriarcharum, miserere nobis.
Jesu, magister Apostolorum, miserere nobis.
Jesu, doctor Evangelistarum, miserere nobis.
Jesu, fortitudo Martyrum, miserere nobis.
Jesu, lumen Confessorum, miserere nobis.
Jesu, puritas Virginum, miserere nobis.
Jesu, corona Sanctorum omnium, miserere nobis.

Propitius esto,
parce nobis, Jesu.

Propitius esto,
exaudi nos, Jesu.

Ab omni malo, libera nos, Jesu.
Ab omni peccato, libera nos, Jesu.
Ab ira tua, libera nos, Jesu.
Ab insidiis diaboli, libera nos, Jesu.
A spiritu fornicationis, libera nos, Jesu.
A morte perpetua, libera nos, Jesu.
A neglectu inspirationum tuarum, libera nos, Jesu.

Per mysterium sanctæ Incarnationis tuæ, libera nos, Jesu.
Per nativitatem tuam, libera nos, Jesu.
Per infantiam tuam, libera nos, Jesu.
Per divinissimam vitam tuam, libera nos, Jesu.
Per labores tuos, libera nos, Jesu.
Per agoniam et passionem tuam, libera nos, Jesu.
Per crucem et derelictionem tuam, libera nos, Jesu.
Per languores tuos, libera nos, Jesu.
Per mortem et sepulturam tuam, libera nos, Jesu.
Per resurrectionem tuam, libera nos, Jesu.
Per ascensionem tuam, libera nos, Jesu.
Per sanctissimæ Eucharistiæ institutionem tuam, libera nos, Jesu.
Per gaudia tua, libera nos, Jesu.
Per gloriam tuam, libera nos, Jesu.

Agnus Dei, qui tollis peccata mundi,
parce nobis, Jesu.

Agnus Dei, qui tollis peccata mundi,
exaudi nos, Jesu.

Agnus Dei, qui tollis peccata mundi,
miserere nobis, Jesu.

Jesu, audi nos.
Jesu, exaudi nos.

V. Sit nomen domini benedictum.
R. Ex hoc nunc et usque in saeculum.

Oremus.

Domine Jesu Christe, qui dixisti: Petite et accipietis; quærite et invenietis; pulsate et aperietur vobis; quæsumus, da nobis petentibus divinissimi tui amoris affectum, ut te toto corde, ore et opere diligamus, et a tua numquam laude cessemus.

Sancti Nominis tui, Domine, timorem pariter et amorem fac nos habere perpetuum, quia numquam tua gubernatione destituis, quos in soliditate tuæ dilectionis instituis.

Qui vivis et regnas in sæcula sæculorum.

R. Amen.